Мюнхеннинг "Бавария" клуби ўз ҳимоячиси Саша Боэни Туркиянинг "Галатасарой" клубига ижарага бериши мумкин. Журналист Флориан Плеттенберг берган маълумотга кўра, француз Туркияга кўчиб ўтишга қарши эмас.
Эслатиб ўтамиз, Боэ 2024 йилнинг январида айнан "Галатасарой"дан "Бавария"га ўтган, аммо жароҳати туфайли Мюнхен клубида ўз ўрнини топа олмаган эди. Мураббий Венсан Компани Сашани ўз жамоасида кўрмаяпти, шунинг учун раҳбарият француз билан хайрлашишга тайёр.
Боэ аввалроқ "Лион"га ўтиш вариантига эга эди, аммо "Галатасарой" футболчини Туркияга қайтара олишига ишонмоқда. 24 ёшли фуллбэк Бундеслиганинг сўнгги мавсумида атиги 13 та ўйинда майдонга тушиб, 2 та голга ассистентлик қилди.













