Lissabonning "Sporting" klubi markaziy himoyachisi Usmon Diomandega London klublari qiziqish bildirmoqda.
"Arsenal" ham qiziqish bildirayotgan 21 yoshli futbolchi uchun kurashga "Chelsi" ham qo‘shildi, deb xabar beradi O Jogo. Ivuarlik futbolchiga Londonning yana bir vakili - "Kristal Pelas" da’vogarlik qilmoqda. Yosh markaziy himoyachining mashhur Transfermarkt portalidagi taxminiy narxi - 45 mln yevro.
Usmon Diomande o‘tgan mavsum "Sporting" safida 46 ta o‘yinda maydonga tushdi va 2 ta gol hamda 1 ta golli uzatmaga mualliflik qildi. Futbolchining lissabonliklar bilan amaldagi mehnat shartnomasi 2027 yilning yozigacha mo‘ljallangan.
