Лиссабоннинг "Спортинг" клуби марказий ҳимоячиси Усмон Диомандега Лондон клублари қизиқиш билдирмоқда.
"Арсенал" ҳам қизиқиш билдираётган 21 ёшли футболчи учун курашга "Челси" ҳам қўшилди, деб хабар беради O Jogo. Ивуарлик футболчига Лондоннинг яна бир вакили - "Кристал Пэлас" даъвогарлик қилмоқда. Ёш марказий ҳимоячининг машҳур Transfermarkt порталидаги тахминий нархи - 45 млн евро.
Усмон Диоманде ўтган мавсум "Спортинг" сафида 46 та ўйинда майдонга тушди ва 2 та гол ҳамда 1 та голли узатмага муаллифлик қилди. Футболчининг лиссабонликлар билан амалдаги меҳнат шартномаси 2027 йилнинг ёзигача мўлжалланган.
