Zagrebning "Dinamo" klubi vingeri Kardozu Varela ispan grandi qiziqishlari doirasiga tushib qoldi. Kataloniyaning "Barselona" klubi 16 yoshli futbolchini o‘z safiga qo‘shib olmoqchi, deya xabar bermoqda Marca nashri.
Kataloniyaliklar futbolchi uchun besh million yevro to‘laydi, biroq bitimning umumiy summasi qo‘shimcha shartlar va bonus to‘lovlari hisobiga 20 milliongacha oshishi mumkin. "Barselona"ga o‘tganidan keyin Varela ijara asosida Xorvatiya klubida qoladi. U "ko‘k-anorranglilar" safiga kelasi yilning yozida kelib qo‘shiladi.
"Barselona" o‘tgan mavsumda Ispaniya chempioni, shuningdek, mamlakat kubogi sohibi bo‘ldi.
