Загребнинг "Динамо" клуби вингери Кардозу Варела испан гранди қизиқишлари доирасига тушиб қолди. Каталониянинг "Барселона" клуби 16 ёшли футболчини ўз сафига қўшиб олмоқчи, дея хабар бермоқда Marca нашри.
Каталонияликлар футболчи учун беш миллион евро тўлайди, бироқ битимнинг умумий суммаси қўшимча шартлар ва бонус тўловлари ҳисобига 20 миллионгача ошиши мумкин. "Барселона"га ўтганидан кейин Варела ижара асосида Хорватия клубида қолади. У "кўк-анорранглилар" сафига келаси йилнинг ёзида келиб қўшилади.
"Барселона" ўтган мавсумда Испания чемпиони, шунингдек, мамлакат кубоги соҳиби бўлди.
