"PSJ" va Portugaliya terma jamoasi yarim himoyachisi Vitinya bu yil AQSH mezbonlik qilayotgan futbol taqvimi va klublar o‘rtasidagi jahon chempionati haqida o‘z fikrlari bilan o‘rtoqlashdi.
"Mavsum shiddatli o‘tdi, ammo motivasiya hali ham yuqori saviyada. Chempionlar ligasida g‘alaba qozonish aql bovar qilmaydigan tuyg‘u, lekin ish bu bilan tugamaydi.
Undan keyin Millatlar ligasi, endi esa klublar o‘rtasidagi jahon chempionati bor.
Bu mavsumni yana bir g‘alaba bilan yakunlamoqchimiz. Bu sovrinni qo‘lga kiritganlar qatoriga kirish jamoa tarixida yana bir yorqin sahifa yozish demakdir", dedi Vitinya.
