"ПСЖ" ва Португалия терма жамоаси ярим ҳимоячиси Витинья бу йил АҚШ мезбонлик қилаётган футбол тақвими ва клублар ўртасидаги жаҳон чемпионати ҳақида ўз фикрлари билан ўртоқлашди.
"Мавсум шиддатли ўтди, аммо мотивация ҳали ҳам юқори савияда. Чемпионлар лигасида ғалаба қозониш ақл бовар қилмайдиган туйғу, лекин иш бу билан тугамайди.
Ундан кейин Миллатлар лигаси, энди эса клублар ўртасидаги жаҳон чемпионати бор.
Бу мавсумни яна бир ғалаба билан якунламоқчимиз. Бу совринни қўлга киритганлар қаторига кириш жамоа тарихида яна бир ёрқин саҳифа ёзиш демакдир", деди Витинья.
