"Santos" hujumchisi Neymarning otasi - Neymar da Silva o‘g‘lining kelajagi haqida ma’lumot berdi.
Uning so‘zlariga ko‘ra, futbolchi Braziliya klubida qolishi mumkin, ammo faoliyatini xorijda davom ettirish variantlari ham ko‘rib chiqilmoqda.
- "Santos" varianti hamon haqiqatga yaqin. Men muzokaralar olib boryapman va u yerda davom etish imkoniyati yuqori. Shu bilan birga, biz boshqa klublar bilan ham muloqotga ochiqmiz. Shu haftadayoq Mayamida ehtimoliy takliflarni muhokama qilish uchun uchrashuvlar rejalashtirilgan," - dedi u L’Equipe nashriga bergan intervyusida.
Futbolchining otasi Neymarga Yevropa klublari, jumladan Chempionlar Ligasida ishtirok etayotgan klublar ham qiziqish bildirayotganini tasdiqladi. Shu bilan birga, u Braziliyaga qaytish ham jozibador istiqbol bo‘lib qolayotganini ta’kidladi. O‘tgan mavsumda 33 yoshli forvard "Santos" safida 14 ta o‘yinda maydonga tushib, 3 ta gol urdi va 4 ta golli uzatmani amalga oshirdi.
