"Сантос" ҳужумчиси Неймарнинг отаси - Неймар да Силва ўғлининг келажаги ҳақида маълумот берди.
Унинг сўзларига кўра, футболчи Бразилия клубида қолиши мумкин, аммо фаолиятини хорижда давом эттириш вариантлари ҳам кўриб чиқилмоқда.
- "Сантос" варианти ҳамон ҳақиқатга яқин. Мен музокаралар олиб боряпман ва у ерда давом этиш имконияти юқори. Шу билан бирга, биз бошқа клублар билан ҳам мулоқотга очиқмиз. Шу ҳафтадаёқ Майамида эҳтимолий таклифларни муҳокама қилиш учун учрашувлар режалаштирилган," - деди у L’Equipe нашрига берган интервьюсида.
Футболчининг отаси Неймарга Европа клублари, жумладан Чемпионлар Лигасида иштирок этаётган клублар ҳам қизиқиш билдираётганини тасдиқлади. Шу билан бирга, у Бразилияга қайтиш ҳам жозибадор истиқбол бўлиб қолаётганини таъкидлади. Ўтган мавсумда 33 ёшли форвард "Сантос" сафида 14 та ўйинда майдонга тушиб, 3 та гол урди ва 4 та голли узатмани амалга оширди.
