"Yuventus" va "Milan" kelgusi transfer oynasida katta ko‘lamdagi bitimni muhokama qilmoqda.
Sport Mediaset ma’lumotiga ko‘ra, turinliklar "rossonerilar"ning markaziy himoyachisi Fikayo Tomorini o‘z saflariga qo‘shib olishga qiziqish bildirmoqda, shuningdek, Teo Ernandesni Turinga, Dushan Vlaxovichni esa "Milan"ga almashtirish variantini ham ko‘rib chiqmoqda.
Dastlab raqamlar mantiqqa to‘g‘ri keladi: "Yuventus" Vlaxovich bilan 30 million yevro evaziga xayrlashishga tayyor, "Milan" esa Teoni 25 million yevroga baholamoqda. Biroq, futbolchilarning shartnoma bo‘yicha talablari vaziyatni murakkablashtirmoqda.
Fransiyalik futbolchi yiliga kamida olti million yevro ishlab topishni xohlaydi, "Yuve" esa bunday xarajatlarga tayyor emas. O‘z navbatida, serbiyalik hujumchi Turinda yiliga taxminan 12 million yevro maosh oladi va "Milan" bunday moliyaviy yukni o‘z zimmasiga olishga tayyor emas.













