"Ювентус" ва "Милан" келгуси трансфер ойнасида катта кўламдаги битимни муҳокама қилмоқда.
Sport Mediaset маълумотига кўра, туринликлар "россонерилар"нинг марказий ҳимоячиси Фикайо Томорини ўз сафларига қўшиб олишга қизиқиш билдирмоқда, шунингдек, Тео Эрнандесни Туринга, Душан Влаховични эса "Милан"га алмаштириш вариантини ҳам кўриб чиқмоқда.
Дастлаб рақамлар мантиққа тўғри келади: "Ювентус" Влахович билан 30 миллион евро эвазига хайрлашишга тайёр, "Милан" эса Теони 25 миллион еврога баҳоламоқда. Бироқ, футболчиларнинг шартнома бўйича талаблари вазиятни мураккаблаштирмоқда.
Франциялик футболчи йилига камида олти миллион евро ишлаб топишни хоҳлайди, "Юве" эса бундай харажатларга тайёр эмас. Ўз навбатида, сербиялик ҳужумчи Туринда йилига тахминан 12 миллион евро маош олади ва "Милан" бундай молиявий юкни ўз зиммасига олишга тайёр эмас.
