Niderlandiyalik xavbek Xavi Simons joriy transferlar davrida Germaniyaning "RB Leypsig" klubini tark etishga qaror qildi. Bu haqda insayder Fabrisio Romano xabar bermoqda.
Manbaga ko‘ra, 22 yoshli yarim himoyachi faoliyatini Yevropada davom ettirish uchun bir necha variantga ega. Unga "Arsenal," "MYU," "Liverpul," "Manchester Siti" va "Bavariya" klublari qiziqish bildirmoqda.
"RB Leypsig" rahbariyati esa o‘z navbatida 80 million yevro evaziga futbolchi bilan xayrlashishga tayyor.
O‘tgan mavsumda Simons nemis jamoasining 32 ta o‘yinida qatnashib, o‘nta gol va sakkizta golli uzatmani o‘z hisobiga yozdirib qo‘ydi.
