Нидерландиялик хавбек Хави Симонс жорий трансферлар даврида Германиянинг "РБ Лейпциг" клубини тарк этишга қарор қилди. Бу ҳақда инсайдер Фабрицио Романо хабар бермоқда.
Манбага кўра, 22 ёшли ярим ҳимоячи фаолиятини Европада давом эттириш учун бир неча вариантга эга. Унга "Арсенал," "МЮ," "Ливерпуль," "Манчестер Сити" ва "Бавария" клублари қизиқиш билдирмоқда.
"РБ Лейпциг" раҳбарияти эса ўз навбатида 80 миллион евро эвазига футболчи билан хайрлашишга тайёр.
Ўтган мавсумда Симонс немис жамоасининг 32 та ўйинида қатнашиб, ўнта гол ва саккизта голли узатмани ўз ҳисобига ёздириб қўйди.
