"Aston Villa" darvozaboni Emiliano Martines faoliyatini "Manchester Yunayted"da davom ettirmoqchi.
Argentinalik futbolchi yozda "qizil iblislar" safiga ko‘chib o‘tishni istayotganini ochiq-oydin ma’lum qildi, deb yozadi jurnalist Ben Jeykobs. "Villa" o‘z yulduzini sotish imkoniyatini istisno qilmayapti, ammo taxminan 40 mln funt (deyarli 47 mln yevro) so‘raydi. "Manchester Yunayted" hali yakuniy qarorga kelgani yo‘q - katta ehtimol bilan klub yangi mavsumda yana Andre Onanaga tayanishni ma’qul ko‘radi.
Emiliano Martines 2020 yildan buyon "Aston Villa" sharafini himoya qilib kelmoqda. O‘tgan mavsumda 32 yoshli darvozabon Unai Emeri jamoasi safida barcha musobaqalarda 53ta o‘yinda maydonga tushib, 61ta gol o‘tkazib yuborgan. Transfermarkt portali jahon chempionining narxini 20 mln yevroga baholamoqda.













