"Астон Вилла" дарвозабони Эмилиано Мартинес фаолиятини "Манчестер Юнайтед"да давом эттирмоқчи.
Аргентиналик футболчи ёзда "қизил иблислар" сафига кўчиб ўтишни истаётганини очиқ-ойдин маълум қилди, деб ёзади журналист Бен Жейкобс. "Вилла" ўз юлдузини сотиш имкониятини истисно қилмаяпти, аммо тахминан 40 млн фунт (деярли 47 млн евро) сўрайди. "Манчестер Юнайтед" ҳали якуний қарорга келгани йўқ - катта эҳтимол билан клуб янги мавсумда яна Андре Онанага таянишни маъқул кўради.
Эмилиано Мартинес 2020 йилдан буён "Астон Вилла" шарафини ҳимоя қилиб келмоқда. Ўтган мавсумда 32 ёшли дарвозабон Унаи Эмери жамоаси сафида барча мусобақаларда 53та ўйинда майдонга тушиб, 61та гол ўтказиб юборган. Transfermarkt портали жаҳон чемпионининг нархини 20 млн еврога баҳоламоқда.
