"Barselona" "Atletik" vingeri Niko Uilyams transferi bo‘yicha muzokaralarni davom ettirmoqda.

22 yoshli futbolchi allaqachon transferga rozilik bergan, ammo "ko‘k-anorranglilar" kelishuv amalga oshgunga qadar ko‘plab nyuanslarni hal qilishlari kerak. RAC1'ning yangilangan ma’lumotlariga ko‘ra, "Barselona"dagi manbalar Uilyams bo‘yicha muzokaralarda sezilarli yutuqlarga erishilganini tasdiqlagan, ammo muammo o‘sha-o‘sha - barchasi moliyaviy feyr-pleyga bog‘liq bo‘ladi. Kataloniya grandi futbolchini ro‘yxatdan o‘tkaza olishiga ishonch hosil qilmaguncha, uni imzolamaydi.

Eslatib o‘tamiz, Niko Uilyamsning "Atletik" bilan shartnomasida 58 mln yevro tovon puli belgilangan.