Italiya terma jamoasining yangi bosh murabbiyi Jennaro Gattuzo o‘zini maydonga tushirmasligini tan oldi.
"Hamma ko‘p yuguradigan, tirishqoq Gattuzoni eslaydi... Mendan gapirmaslikni so‘rashdi, lekin aytaman: bugun o‘sha Gattuzoni maydondagi tartibsizliklarni inobatga olgan holda o‘z jamoamga tushirmasdim. Hozir futbolni boshqacha ko‘ryapman. Bugun futbolchi boshqacha - u ancha professional. Hozir jamoa tuzish qiyinroq, nafaqat terma jamoada," - dedi Gattuzo jurnalistlarga.
Italiya terma jamoasi boshqaruvida Jennaro Gattuzo sentyabr oyida debyut qiladi. Jamoa JCH-2026 saralashida Estoniya va Isroilga qarshi o‘yinlar o‘tkazadi.
