"Barselona" hujumchisi Ansu Fatining "Monako"ga o‘tishi bo‘yicha kelishuv muvaffaqiyatsiz yakunlanishi mumkin.
Tomonlar sotib olish imkoniyati bilan ijara bo‘yicha kelishuvga yaqin edilar, bu haqda ilgari turli manbalar xabar bergan edi, ammo vaziyat murakkablashdi. L’Equipe xabariga ko‘ra, klublar maosh masalasida kelisha olmayapti: monegaskliklar "ko‘k-anorranglilar" talab qilayotgan ulushni to‘lashga tayyor emas. Eslatib o‘tamiz, 22 yoshli ispaniyalik "Barsa"ning eng ko‘p maosh oluvchi futbolchilari qatoriga kiradi.
Muzokaralar hali tugamadi, lekin istalgan paytda barbod bo‘lishi mumkin. Transfermarkt portali forvardning narxini 5 mln yevroga baholamoqda.













