"Bornmut"ning chap qanot himoyachisi Milosh Kerkez faoliyatini "Liverpul"da davom ettiradi. Bu haqda jurnalist Florian Plettenberg xabar bermoqda.

Manbaga ko‘ra, barcha tomonlar 21 yoshli vengrning transferi bo‘yicha to‘liq kelishib olgan. Ta’kidlanishicha, Kerkez "Liverpul" bilan kelasi hafta bo‘lib o‘tadigan tibbiy ko‘rikdan o‘tishi bilanoq uzoq muddatli shartnoma imzolaydi, agar hammasi ko‘ngildagidek bo‘lsa.

Bu mavsumda Kerkez barcha musobaqalarda 41 ta o‘yinda maydonga tushib, 2 ta gol urdi va 6 ta golli uzatmani amalga oshirdi.