"Milan" vingeri Rafael Leau "Bavariya" e’tiborida qolmoqda. Shu hafta myunxenliklar rahbariyati portugaliyalik futbolchining ehtimoliy transferini yana bir bor muhokama qildi, ammo "rossonerilar" bilan hali ham rasmiy muzokaralar olib borilmayapti. Insayder Fabrisio Romanoning ma’lum qilishicha, "Bavariya" Niko Uilyamsning "Barselona"ga o‘tishi bo‘yicha kelishuvga aniqlik kiritilishini kutadi. Agar "ko‘k-anorranglilar" ispaniyalik futbolchining transferini yopishga muvaffaq bo‘lishsa, bundesliga grandi boshqa nomzodlarga o‘tadi - o‘shanda Uilyamsga asosiy muqobil hisoblangan Leau bo‘yicha aniq muzokaralar boshlanadi.
Rafael Leauning narxi Transfermarkt portali mutaxassislari tomonidan 70 mln yevroga baholanmoqda.













