"Милан" вингери Рафаэль Леау "Бавария" эътиборида қолмоқда. Шу ҳафта мюнхенликлар раҳбарияти португалиялик футболчининг эҳтимолий трансферини яна бир бор муҳокама қилди, аммо "россонерилар" билан ҳали ҳам расмий музокаралар олиб борилмаяпти. Инсайдер Фабрицио Романонинг маълум қилишича, "Бавария" Нико Уильямснинг "Барселона"га ўтиши бўйича келишувга аниқлик киритилишини кутади. Агар "кўк-анорранглилар" испаниялик футболчининг трансферини ёпишга муваффақ бўлишса, бундеслига гранди бошқа номзодларга ўтади - ўшанда Уильямсга асосий муқобил ҳисобланган Леау бўйича аниқ музокаралар бошланади.

Рафаэль Леаунинг нархи Transfermarkt портали мутахассислари томонидан 70 млн еврога баҳоланмоқда.