"Lasio" "Yuventus" yarim himoyachisi Nikolas Gonsales transferiga qiziqish bildirmoqda, deb xabar beradi Corriere dello Sport.

Manbaga ko‘ra, 27 yoshli argentinalik futbolchi "Lasio" bosh murabbiyi Maurisio Sarrining istaklar ro‘yxatida bor. Shu bilan birga, Gonsalesning nomzodi Sarri so‘ragan oxirgi nomzod edi. Ehtimoliy transfer summasi 30 million yevroni tashkil etishi mumkin.

2024/25 yilgi mavsumda Gonsales barcha musobaqalarda 35 ta o‘yinda maydonga tushib, 5 ta gol urdi va 4 ta golli uzatmani amalga oshirdi. Uning "Yuventus" bilan shartnomasi 2028 yilning 30 iyuniga qadar amal qiladi.

Transfermarkt portali futbolchining transfer qiymatini 24 million yevroga baholagan.