Lionel Messi va uning jamoasi klublar miqyosida rasmiy turnirlarda Yevropa jamoasini yenggan Shimoliy Amerikadagi birinchi klub bo‘ldi.
Klublar o‘rtasidagi jahon chempionati guruh bosqichi 2-turidan o‘rin olgan "Portu"ga qarshi o‘yin MLS jamoasining 2:1 hisobidagi g‘alabasi bilan yakunlandi. Hal qiluvchi golni Lionel Messi jarima zarbasidan kiritdi va jamoasiga 3 ochko keltirdi. "Inter Mayami" uchun bu nafaqat turnir ahamiyatiga ega bo‘lgan natija, balki butun Shimoliy Amerika futboli tarixidagi muhim lahzadir.
Klub 2 turdan so‘ng 4 ochko bilan o‘z guruhida 2-o‘rinda bormoqda. Bu o‘yinda mag‘lub bo‘lgan "Portu" bir ochko bilan uchinchi o‘rinda bormoqda.













