"Kristal Pelas" himoyachisi Mark Gexi tez orada "Liverpul"ning yangi futbolchisiga aylanishi mumkin. Bu haqda jurnalist Rudi Galetti xabar bermoqda.

Manbaning ta’kidlashicha, "Liverpul" raqiblardan o‘zib ketish uchun Gexining transferi bo‘yicha muzokaralarni tezlashtirishga harakat qilmoqda. Ta’kidlanishicha, klub himoyachi bilan shaxsiy shartnoma shartlari bo‘yicha deyarli kelishib olgan, shundan so‘ng mersisaydliklar "Kristal Pelas" bilan kelishib olishi kerak bo‘ladi.

Bu mavsumda 24 yoshli Gexi barcha musobaqalarda 44ta o‘yinda maydonga tushib, 3ta gol urdi va 2ta golga hammualliflik qildi.