"Manchester Yunayted" o‘tgan 48 soat davomida qanot hujumchisi Antonini "Sporting" forvardi Viktor Dyokereshga almashtirish imkoniyatini o‘rganib chiqdi. Bu haqda jurnalist Sebastyan Vidal xabar bermoqda.
Manbaga ko‘ra, "Sporting" yulduz hujumchining o‘rnini qoplash uchun hujumkor futbolchilar qidirmoqda. Ta’kidlanishicha, "Manchester Yunayted" portugaliyaliklarga Antonini 41 mln yevro qo‘shimcha to‘lov bilan berishga tayyor. Shu bilan birga, manba klublar o‘rtasida bu borada hali rasmiy muzokaralar o‘tkazilmaganini ta’kidladi.
2024/25 yilgi mavsumda Dyokeresh barcha musobaqalarda 52 ta o‘yinda 54 ta gol urdi va 13 ta golli uzatmani amalga oshirdi.
