"Манчестер Юнайтед" ўтган 48 соат давомида қанот ҳужумчиси Антонини "Спортинг" форварди Виктор Дьёкерешга алмаштириш имкониятини ўрганиб чиқди. Бу ҳақда журналист Себастьян Видаль хабар бермоқда.
Манбага кўра, "Спортинг" юлдуз ҳужумчининг ўрнини қоплаш учун ҳужумкор футболчилар қидирмоқда. Таъкидланишича, "Манчестер Юнайтед" португалияликларга Антонини 41 млн евро қўшимча тўлов билан беришга тайёр. Шу билан бирга, манба клублар ўртасида бу борада ҳали расмий музокаралар ўтказилмаганини таъкидлади.
2024/25 йилги мавсумда Дьёкереш барча мусобақаларда 52 та ўйинда 54 та гол урди ва 13 та голли узатмани амалга оширди.
