"Milan"ning chap qanot himoyachisi Teo Ernandes "Al-Hilol"ga o‘tishi mumkin. Saudiya klubi anchadan beri fransuzni nishonga olgan, biroq avvalroq muzokaralar boshi berk ko‘chaga kirib qolgandi. Endi tomonlar yangi muhokamalar o‘tkazib, deyarli kelishuvga erishdi. Insayder Fabrisio Romanoning so‘zlariga ko‘ra, "Al-Hilol" bu transfer amalga oshishiga ishonmoqda va tushunmovchiliklar yuzaga kelmasligi uchun yaqin ikki kun ichida kelishuvni yopmoqchi.
Teo Ernandesning transferiga Madridning "Atletiko" klubi ham qiziqish bildirmoqda. 27 yoshli futbolchining "Milan" bilan shartnomasi 2026 yilning yarmigacha mo‘ljallangan bo‘lib, Transfermarkt talqiniga ko‘ra uning narxi 35 mln yevroni tashkil etadi.
