"Милан"нинг чап қанот ҳимоячиси Тео Эрнандес "Ал-Ҳилол"га ўтиши мумкин. Саудия клуби анчадан бери французни нишонга олган, бироқ аввалроқ музокаралар боши берк кўчага кириб қолганди. Энди томонлар янги муҳокамалар ўтказиб, деярли келишувга эришди. Инсайдер Фабрицио Романонинг сўзларига кўра, "Ал-Ҳилол" бу трансфер амалга ошишига ишонмоқда ва тушунмовчиликлар юзага келмаслиги учун яқин икки кун ичида келишувни ёпмоқчи.

Тео Эрнандеснинг трансферига Мадриднинг "Атлетико" клуби ҳам қизиқиш билдирмоқда. 27 ёшли футболчининг "Милан" билан шартномаси 2026 йилнинг ярмигача мўлжалланган бўлиб, Transfermarkt талқинига кўра унинг нархи 35 млн еврони ташкил этади.