Madridning "Real" klubi yarim himoyachisi Arda Gyuler klublar o‘rtasidagi jahon chempionatida "Pachuka"ga qarshi kechgan bahsda gol urdi.
Turkiyalik futbolchi 43-daqiqada raqib darvozasini ishg‘ol qildi va tabloda 2:0 hisobini o‘rnatdi. Opta xabariga ko‘ra, Gyuler o‘tgan o‘n yillik boshidan buyon "Real" safida barcha musobaqalarda o‘nta gol urgan eng yosh futbolchiga aylandi (20 yosh 57 kun). Hujumkor yarim himoyachi 2020 yilda 20 yoshu 80 kunligida o‘nta gol urgan Vinisius Juniorni ortda qoldirdi.













