Milanning "Inter" klubi hujumchisi Mehdi Taremi yozda klubini o‘zgartirishi mumkin.
A Seriyadagi debyut mavsumi eronlik futbolchi uchun unchalik omadli kechmadi va "neradzurrilar" uni shartnoma imzolanganidan bir yil o‘tib sotib yuborish haqida o‘ylamoqda. Jurnalist Matteo Morettoning ma’lum qilishicha, Angliyaning "Nottingem Forest" klubi 32 yoshli hujumchi borasida aniq so‘rov bilan chiqqan. Tez orada transfer bo‘yicha muzokaralar boshlanishi mumkin.
Mehdi Taremi "Inter" safida barcha musobaqalarda 43 ta o‘yinda maydonga tushib, 3 ta gol va 9 ta golli uzatmani o‘z hisobiga yozdirib qo‘ygan.













