Миланнинг "Интер" клуби ҳужумчиси Меҳди Тареми ёзда клубини ўзгартириши мумкин.
А Сериядаги дебют мавсуми эронлик футболчи учун унчалик омадли кечмади ва "нерадзуррилар" уни шартнома имзоланганидан бир йил ўтиб сотиб юбориш ҳақида ўйламоқда. Журналист Маттео Мореттонинг маълум қилишича, Англиянинг "Ноттингем Форест" клуби 32 ёшли ҳужумчи борасида аниқ сўров билан чиққан. Тез орада трансфер бўйича музокаралар бошланиши мумкин.
Меҳди Тареми "Интер" сафида барча мусобақаларда 43 та ўйинда майдонга тушиб, 3 та гол ва 9 та голли узатмани ўз ҳисобига ёздириб қўйган.
