Madridning "Atletiko" klubi hujumchisi Xulian Alvares sovrinli mavsumlar seriyasini davom ettira olmadi.
"Matraschilar" klublar o‘rtasidagi jahon chempionatini guruhda uchinchi o‘rin bilan yakunladi. Diyego Simeone jamoasi 6 ochko jamg‘argan bo‘lsa-da, "PSJ" va "Botafogo"dan pastroq natijani qayd etdi. 25 yoshli hujumchi Alvares uchun bu faoliyatidagi ilk sovrinsiz mavsum bo‘ldi.
Xulian Alvares "Atletiko"ga o‘tgan yilning yozida "Manchester Siti"dan ko‘chib o‘tgan edi. Argentinalik futbolchi o‘z vatanida "River Pleyt" sharafini himoya qilgan.













