"Strasburg"ning senegallik yarim himoyachisi Habib Diarra Ispaniya chempionatining top-klublaridan biriga o‘tish variantiga ega. Bu haqda RMC Sport jurnalistlari xabar bermoqda.
Afrikalik xavbek xizmatiga Madridning "Atletiko" klubi qiziqish bildirmoqda. Klub allaqachon Diarra bilan dastlabki muzokaralarni o‘tkazgan. Habib Yevropa Chempionlar Ligasida o‘zini sinab ko‘rish imkoniyatiga ega bo‘lish uchun Ispaniya jamoasiga o‘tishga qarshi emas.
21 yoshli yarim himoyachining ehtimoliy transferi 25 million yevroga baholanmoqda.
O‘tgan mavsumda Habib Fransiya chempionatida 30 ta o‘yin o‘tkazib, 4 ta gol va 5 ta golli uzatmani o‘z hisobiga yozdirib qo‘ydi.
