"Atletiko" darvozaboni va sardori Yan Oblak so‘nggi turda "Botafogo"ga (1:0) qarshi kechgan va madridliklarni klublar o‘rtasidagi jahon chempionatidan chiqib ketishdan qutqarib qolmagan o‘yindan so‘ng OAV vakillari bilan suhbatlashdi.

"Afsuski, "Botafogo" ustidan qozonilgan bu g‘alaba yetarli bo‘lmadi, to‘p darvozaga kirishni istamadi. Agar birinchi bo‘limda gol urganmizda, ikkinchi bo‘lim osonroq kechgan bo‘lardi. Bizga kerak bo‘lgan uchta golni ura olmadik, shu sababli hafsalamiz pir bo‘ldi.

Ikkinchi va uchinchi o‘yinlarni yaxshi o‘tkazdik, ammo birinchisida yomon o‘ynadik - va bu bizni ranjitdi. Olti ochko to‘pladik-u, lekin keyingi bosqichga o‘ta olmadik. Buning sababi birinchi o‘yinda to‘rtta golni osonlikcha o‘tkazib yuborganimizdir. Bunday holat yuz bermasligi kerak edi, chunki Klublar o‘rtasidagi jahon chempionatida ishtirok etish imkoniyati har doim ham bo‘lavermaydi. Afsuski, buni uddalay olmadik," - dedi Oblak.