Huquqlari Londonning “Tottenxem” klubiga tegishli bo‘lgan braziliyalik forvard Risharlison Turkiya Superligasida ishlash imkoniyatiga ega.
Teamtalk xabariga ko‘ra, 28 yoshli hujumchiga Istanbulning "Galatasaroy" klubi qiziqmoqda. Futbolchining "shporlar" bilan tuzilgan mehnat shartnomasi 2027 yilning iyuni oxirigacha tuzilgan.
Angliya Premyer-ligasining o‘tgan mavsumida Risharlison londonliklar safida 15 ta o‘yin o‘tkazdi. Hujumchi 4 ta gol urdi va bitta golli uzatmani amalga oshirdi.













