"Santos" "Spartak" vingeri Markinyos Kostani sotib olmoqchi.
Jurnalist Vagner Frederikoning ma’lum qilishicha, braziliyaliklar klubi sport direktori Aleshandre Mattos 25 yoshli futbolchini sotib olish tarafdori bo‘lgan.
Qayd etilishicha, asosiy to‘siq sifatida Markinyosning transfer narxi klub uchun katta ekani ko‘rsatilgan. Transfermarkt portali uni 6 million yevroga baholamoqda.
Braziliyalikning "qizil-oqlar" bilan shartnomasi 2027 yilning iyun oyi oxirigacha amal qiladi.
RPLning o‘tgan mavsumida Markinyos Kosta Moskva klubi safida 26 o‘yinda birorta ham gol ura olmadi, ammo 9 ta golli uzatmani amalga oshirdi.













