Hujumchi Alvaro Morata yana A Seriyaga ko‘chib o‘tishi mumkin. Ijtimoiy tarmoqlarda nufuzli insayder Fabrisio Romanoning yozishicha, 32 yoshli Morataga "Komo" rasmiy taklif yuborgan. Muzokara jarayoni allaqachon davom etmoqda.
Ayni damda Morata "Galatasaroy" sharafini himoya qilmoqda. Fevral oyi boshida turk klubi tajribali forvardni "Milan"dan sotib olish huquqi bilan bir yilga ijaraga olgandi.
"Komo" bosh murabbiyi - Sesk Fabregas. Jamoa Italiya A Seriyasining o‘tgan mavsumini turnir jadvalida o‘ninchi o‘rinda yakunladi.
Nufuzli Transfermarkt portali mutaxassislari Moratani 11 million yevroga baholamoqda.













