"Milan" klubi va Fransiya terma jamoasi himoyachisi Teo Ernandes Saudiya Arabistonining "Al-Hilol" klubiga o‘tishga yaqin turibdi. Kelishuv tafsilotlarini jurnalist Sasha Tavolyeri o‘zining X ijtimoiy tarmog‘idagi (sobiq Twitter) akkauntida e’lon qildi.
Manbaga ko‘ra, fransiyalik chap qanot himoyachisi "Al-Hilol" bilan 4 yilga mo‘ljallangan uzoq muddatli shartnoma tuzadi. "Milan" esa mehnat shartnomasi kelasi yilning yozi oxirigacha tuzilgan futbolchi uchun 25 mln yevro oladi.
Ma’lum qilinishicha, bitimni allaqachon yakunlangan deb hisoblash mumkin. Kelishuvning so‘nggi detallari kelishib olindi.













