Proliga ikkinchi davra bahslari o‘z nihoyasiga yetdi. "Lokomotiv" PFK rahbariyati dastlabki ikki davra bo‘yicha asosiy jamoa ishtirokini tahlil qilgan holda murabbiylar shtabi bilan o‘zaro hamkorlikni tugatishga qaror qildi.
Shuningdek O‘zbekiston Kubogida jamoaning guruhdan chiqa olmagani ham o‘z ta’sirini ko‘rsatib, bosh murabbiy Grigoriy Kolosovskiy va murabbiylar shtabi bilan o‘zaro kelishgan holda shartnoma bekor qilindi.
"Murabbiylar shtabiga o‘zaro hamkorlik uchun minnatorchilik bildirib, ularning kelgusi faoliyatiga omad tilaymiz", - deyiladi klub bayonotida.
