"Manchester Siti" yarim himoyachisi Bernardu Silva klublar o‘rtasidagi jahon chempionati guruh bosqichi 3-turidan o‘rin olgan "Yuventus"ga (5:2) qarshi o‘yindan so‘ng o‘z fikrlarini bildirib o‘tdi.
"Shaharliklar" "byankonerilar"ga hech qanday imkoniyat qoldirmadi va to‘qqiz ochko bilan guruh g‘olibiga aylandi.
"Biz o‘z o‘yinimizdan juda mamnunmiz. Bizga top-darajadagi raqib qarshilik ko‘rsatdi, ammo biz o‘yinni nazorat qildik va to‘pga ishonch bilan egalik qildik. Ba’zi individual xatolarni hisobga olmaganda, bu, ehtimol, turnirdagi eng yaxshi o‘yinimizdir. Guruhda birinchi bo‘ldik va pley-offga chiqdik, bundan juda xursandmiz. Klublar o‘rtasidagi jahon chempionatiga sovrin uchun keldik va endi maqsad sari bir qadam yaqinlashdik," - dedi Silva DAZN bilan suhbatda.
