"Манчестер Сити" ярим ҳимоячиси Бернарду Силва клублар ўртасидаги жаҳон чемпионати гуруҳ босқичи 3-туридан ўрин олган "Ювентус"га (5:2) қарши ўйиндан сўнг ўз фикрларини билдириб ўтди.
"Шаҳарликлар" "бьянконерилар"га ҳеч қандай имконият қолдирмади ва тўққиз очко билан гуруҳ ғолибига айланди.
"Биз ўз ўйинимиздан жуда мамнунмиз. Бизга топ-даражадаги рақиб қаршилик кўрсатди, аммо биз ўйинни назорат қилдик ва тўпга ишонч билан эгалик қилдик. Баъзи индивидуал хатоларни ҳисобга олмаганда, бу, эҳтимол, турнирдаги энг яхши ўйинимиздир. Гуруҳда биринчи бўлдик ва плей-оффга чиқдик, бундан жуда хурсандмиз. Клублар ўртасидаги жаҳон чемпионатига соврин учун келдик ва энди мақсад сари бир қадам яқинлашдик," - деди Силва DAZN билан суҳбатда.
