Klublar o‘rtasidagi jahon chempionati 1/8 finalidan o‘rin olgan "Flamengo"ga qarshi o‘yin Leroy Sane uchun "Bavariya"dagi so‘nggisi bo‘ladi.
Bugun bo‘lib o‘tadigan bellashuv Toshkent vaqti bilan 01:00 da boshlanadi. Ushbu o‘yindan so‘ng Sane jamoa bilan xayrlashadi - u iyul oyi boshidan Turkiyaning "Galatasaroy" klubi futbolchisiga aylanadi.
"Sanening so‘nggi o‘yini? 100% e’tiborimni o‘yinga qaratganman. Bu uning biz uchun so‘nggi o‘yini bo‘lishini bilamiz, ammo uning o‘z hissasini qo‘shishi va jamoaga yordam bera olishi men uchun muhim," - deya Kompanining so‘zlarini keltiradi Bayern & Germany.













