Клублар ўртасидаги жаҳон чемпионати 1/8 финалидан ўрин олган "Фламенго"га қарши ўйин Лерой Сане учун "Бавария"даги сўнггиси бўлади.
Бугун бўлиб ўтадиган беллашув Тошкент вақти билан 01:00 да бошланади. Ушбу ўйиндан сўнг Сане жамоа билан хайрлашади - у июль ойи бошидан Туркиянинг "Галатасарой" клуби футболчисига айланади.
"Саненинг сўнгги ўйини? 100% эътиборимни ўйинга қаратганман. Бу унинг биз учун сўнгги ўйини бўлишини биламиз, аммо унинг ўз ҳиссасини қўшиши ва жамоага ёрдам бера олиши мен учун муҳим," - дея Компанининг сўзларини келтиради Bayern & Germany.
