"Real"ning braziliyalik hujumchisi Vinisius Junior Madrid klubi bilan yangi mehnat shartnomasini imzolaydi. Bu haqda Marca xabar berdi.
Manbaga ko‘ra, 24 yoshli Vinisius klublar o‘rtasidagi jahon chempionati - 2025 yakunlangach, "Real" bilan shartnomasini uzaytiradi. Ta’kidlanishicha, shartnoma muddati 2030 yilgacha mo‘ljallangan.
Vinisius "Real" safida 2018 yildan buyon to‘p tepib kelmoqda. U joriy mavsumda barcha musobaqalarda 55 ta uchrashuvda maydonga tushib, raqiblar darvozasini 22 marotaba ishg‘ol etdi va 19 ta assistni o‘z hisobiga yozdirib qo‘ydi.
