Milanning "Inter" klubi hujumchisi Markus Tyuram jarohatidan so‘ng safga qaytmoqda.
Fransuz "neradzurrilar"ning "Urava Red" va "River Pleyt"ga qarshi avvalgi ikki uchrashuvini mushaklaridagi muammolar tufayli o‘tkazib yuborgandi. La Gazzetta dello Sport xabariga ko‘ra, barchasi Tyuramning 1/8 finalda Braziliyaning "Fluminense" klubiga qarshi bo‘lib o‘tadigan o‘yinda qaydnomaga qaytishini ko‘rsatmoqda. 27 yoshli forvard uchrashuvni zaxira o‘rindig‘ida boshlashi kutilmoqda.
Kristian Kivu jamoasi 30 iyun kuni "Fluminense"ga qarshi bahs olib boradi. Uchrashuv Toshkent vaqti bilan 23:59 da start oladi.













