"Manchester Yunayted"ning daniyalik hujumchisi Rasmus Xyoylundning "Inter"ga o‘tishi barbod bo‘lishiga yaqin turibdi.
Mirror nashri tarqatgan xabarga ko‘ra milanliklar 22 yoshli hujumchi uchun inglizlar so‘ragan 84,2 mln yevroni to‘lashdan bosh tortmoqda. Manbaga ko‘ra, "neradzurrilar" o‘z e’tiborini arzonroq va istiqbolli variantlarga qaratgan. Gap birinchi navbatda "Parma" hujumchisi Anj-Yoan Bonni haqida bormoqda. A Seriyaning o‘tgan mavsumida ajralib turgan fransuz hujum chizig‘ini taxminan 23,4 mln yevro evaziga kuchaytirishi mumkin.
Bundan tashqari, "Inter" rahbariyati o‘tgan mavsumda "Spesiya" safida ijarada muvaffaqiyatli o‘ynagan va endi asosiy jamoada o‘zini ko‘rsatish imkoniyatiga ega bo‘lgan Franchesko Pio Espozitoga umid qilmoqda.
