"Манчестер Юнайтед"нинг даниялик ҳужумчиси Расмус Хёйлунднинг "Интер"га ўтиши барбод бўлишига яқин турибди.

Mirror нашри тарқатган хабарга кўра миланликлар 22 ёшли ҳужумчи учун инглизлар сўраган 84,2 млн еврони тўлашдан бош тортмоқда. Манбага кўра, "нерадзуррилар" ўз эътиборини арзонроқ ва истиқболли вариантларга қаратган. Гап биринчи навбатда "Парма" ҳужумчиси Анж-Йоан Бонни ҳақида бормоқда. А Сериянинг ўтган мавсумида ажралиб турган француз ҳужум чизиғини тахминан 23,4 млн евро эвазига кучайтириши мумкин.

Бундан ташқари, "Интер" раҳбарияти ўтган мавсумда "Специя" сафида ижарада муваффақиятли ўйнаган ва энди асосий жамоада ўзини кўрсатиш имкониятига эга бўлган Франческо Пио Эспозитога умид қилмоқда.