"Manchester Siti"ning hujumkor yarim himoyachisi Fil Foden jamoasi safida o‘zining yuzinchi goliga mualliflik qildi.
Klublar o‘rtasidagi jahon chempionatining 1/8 finalida Saudiya Arabistonining "Al-Hilol" klubiga qarshi kechgan bahsda angliyalik futbolchi gol urdi: 25 yoshli futbolchi 104-daqiqada Rayan Sherkining uzatmasini golga aylantirdi. "Shaharliklar" safida yuztalik ko‘rsatkichga erishish uchun akademiya tarbiyalanuvchisiga 319 ta o‘yin kerak bo‘ldi.
Fil Fodenning "Manchester Siti" asosiy jamoasidagi debyuti 2017 yil oxirida bo‘lib o‘tgan.













