Madridning "Real" klubi 1/8 finalda "Yuventus" ustidan qozonilgan g‘alabadan so‘ng (1:0) klublar o‘rtasidagi jahon chempionatidagi yurishini davom ettiradi.
Uchrashuvning 54-daqiqasida Gonsalo Garsiya Trent Aleksandr-Arnoldning uzatmasidan keyin boshi bilan Mikele di Gregorio darvozasini ishg‘ol qildi. "Qaymoqranglilar" chorak finalga yo‘l oldi va Dortmundning "Borussiya" jamoasiga qarshi bahs olib boradi.
Madrid Zone xabariga ko‘ra, ayni damda "qirollik klubi" JCH-2025 uchun 63 mln dollar (53 mln yevrodan sal ko‘proq) mukofot puli ishlab olgan. Jamoa keyingi bosqichni muvaffaqiyatli bosib o‘tsa, summa oshadi.
