Мадриднинг "Реал" клуби 1/8 финалда "Ювентус" устидан қозонилган ғалабадан сўнг (1:0) клублар ўртасидаги жаҳон чемпионатидаги юришини давом эттиради.
Учрашувнинг 54-дақиқасида Гонсало Гарсия Трент Александр-Арнольднинг узатмасидан кейин боши билан Микеле ди Грегорио дарвозасини ишғол қилди. "Қаймоқранглилар" чорак финалга йўл олди ва Дортмунднинг "Боруссия" жамоасига қарши баҳс олиб боради.
Madrid Zone хабарига кўра, айни дамда "қироллик клуби" ЖЧ-2025 учун 63 млн доллар (53 млн евродан сал кўпроқ) мукофот пули ишлаб олган. Жамоа кейинги босқични муваффақиятли босиб ўтса, сумма ошади.
